Meet Penpen and Tenten, ang kambal na parang bagyo at ipoipo sa loob ng bahay. Si Penpen na ubod ng puti, at si Tenten na ubod ng itim. Kyut, pasaway, mapanuklas. Sa sobrang likot, kahit sino yatang maligno ay hindi gugustuhin na makipaglaro sa kanila. Natuklasan ni Penpen na kayang maglakbay ng astral body niya sa ibang mundo, at nakarating siya sa mundo ng maligno. Si Tenten naman ay parang anino kahit sa dilim. Mahusay sa stunt, magpasirku-sirko. Kapana-panabik ang adventure ng kambal. At kung paano muling mabubuksan ang mahiwagang kahon. Ang kahon na naglalaman ng gameboard at mga piyesa na may nakakatakot na anyo-ang laro ng Maligno!
